Gəncədə dava: xəsarət alan var

Gəncədə dava olub. APA-nın qərb bürosunun verdiyi məlumata görə, hadisə şəhərin I-ci mikrorayonunda qeydə alınıb.

Bir neçə nəfərin dalaşması nəticəsində şəhər sakini, 1987-ci il təvəllüdlü Balı Hacıyevin burun sümüyü sınıb, həmçinin müxtəlif bədən xəsarətləri alıb. O dərhal xəstəxanaya yerləşdirilib. Vəziyyətinin orta ağır olduğu bildirilir.

Faktla bağlı hüquq-mühafizə orqanları tərəfindən araşdırma aparılır.