Paytaxtda qadın evinin qarşısında bıçaqlandı

Bakının Nizami rayonunda bıçaqlanma hadisəsi baş verib. Teleqraf.com xəbər verir ki, hadisə rayonun “8-ci kilometr” qəsəbəsində qeydə alınıb.

Bakı şəhər sakini, 1992-ci il təvəllüdlü Lalə Hacıyeva iki nəfər şəxs tərəfindən yaşadığı evin qarşısında bıçaqlanıb. Yaralı xəstəxanaya çatdırılıb, ona tibbi yardım göstərilib.

Hadisəni törədən şəxslərin müəyyən edilərək həbs edilməsi üçün əməliyyat tədbirləri keçirilir.

Faktla bağlı cinayət işi başlanıb.

Hacı Zeynalov