Qəbiristanlıq oğruları saxlanıldı – Ağcabədi

Ağcabədi rayonunda qəbiristanlıqdan oğurluq edən şəxslər saxlanılıb.

Teleqraf.com xəbər verir ki, Ağcabədi rayon polis şöbəsinə rayon ərazisindəki qəbiristanlıqlardan birində məzarların əhatəsinə çəkilmiş hasarların alüminiumdan olan hissələrinin oğurlanması barədə məlumat daxil olub.

Görülmüş tədbirlərlə bu cinayəti törətməkdə şübhəli bilinən rayon sakinləri - İsbəndiyar Mirzəyev və Vüqar Şükürov polis əməkdaşları tərəfindən saxlanılıb.

Onların barəsində araşdırma aparılması üçün istintaqa təhvil veriliblər.

Hazırda istintaq-əməliyyat tədbirləri davam etdirilir.