Gəncəli oğrular həbs edildi

Gəncə şəhərində oğurluq edən şəxslər həbs olunub.

Teleqraf.com xəbər verir ki, Kəpəz rayonunda evlərin birindən 7000 manat dəyərində qızıl əşyalar oğurlanıb.

Kəpəz rayon Polis İdarəsi oğurluğu törətməkdə şübhəli bilinən Gəncə şəhər sakini, əvvəllər məhkum olunmuş Asim Məhərrəmovu tutub.

Onun həmyerlisi Yılmaz Eltacla birgə cari ilin avqust ayı ərzində daha 2 evdən pul, qızıl və məişət əşyaları oğurladıqları müəyyən edilib.

Görülmüş tədbirlərlə Yılmaz Eltac da həbs olunub.