Cənub bölgəsində silah alverçiləri... - DİN əməliyyat keçirdi

Masallı rayon polis şöbəsi əməkdaşlarının əməliyyat tədbirləri nəticəsində 41 yaşlı Zöhrab Əzizov narkotik vasitələrin qanunsuz dövriyyəsində şübhəli bilinərək saxlanılıb.

Teleqraf.com xəbər verir ki, onun üzərindən marixuana aşkar edilib.

Əməliyyat tədbirlərinin davamı olaraq onun Masallı rayonundakı mənzilinə baxış zamanı əlavə olaraq bağlama şəklində marixuana və lüləsi kəsilmiş, atış üçün yararlı olan odlu silah aşkar edilərək maddi sübut kimi götürülüb.

Saxlanılan Zöhrab Əzizov əvvəllər quldurluq etdiyinə görə 8 il məhkumluq həyatı yaşayıb.

Bundan başqa, Daxili İşlər Nazirliyinin Narkotiklər Baş Polis İdarəsi əməkdaşları tərəfindən Masallı rayon sakini Tarverdi Tağıyevdən müvafiq sənədləri olmayan nömrəsi silinmiş “İJ-58” markalı ov tüfəngi götürülüb.