Oğurluq edən keçmiş məhkumun cibindən heroin çıxdı - Əməliyyat

Bakının Qaradağ rayonunda oğurluq hadisəsi törədən keçmiş məhkumun tutulması üçün əməliyyat keçirilib.

Teleqraf.com xəbər verir ki, Qaradağ rayon Polis İdarəainin 38-ci polis bölməsi əməkdaşlarının keçirdiyi əməliyyat nəticəsində oğurluq hadisələri törətməkdə şübhəli bilinən Bakı şəhər sakini, əvvəllər məhkum olunmuş Şahbaz Əliyev tutulub.

Ondan narkotik vasitə olan heroin də götürülüb.

İstintaq araşdırması zamanı onun yanvarın 10-dan 31-dək olan müddətdə rayon ərazisindəki 1 daş karxanasından, 2 avtomobildən elektrik naqili və akkumulyator oğurlamaqda şübhəli bilinib.