Şəkidə və Hacıqabulda narkotik alverçiləri həbs edildi

Şəki polisi narkotiklərin qanunsuz dövriyyəsinə qarşı növbəti əməliyyat tədbiri keçirib.

Teleqraf.com xəbər verir ki, əvvəllər dəfələrlə məhkum olunmuş Rizvan Sadıqov şəhər ərazisində saxlanılıb və şübhəli şəxs kimi polis şöbəsinə gətirilib.

Üzərində şəxsi axtarış keçirilən zaman 1 ədəd sellofan torbanın içərisində çəkisi 497 qram narkotik vasitə olan qurudulmuş marixuana aşkar edilib.

Bundan başqa, Hacıqabul rayon sakini, əvvəllər məhkum olunmuş 1984-cü il təvəllüdlü Yaşar Teymurov polis tərəfindən şübhəli şəxs qismində saxlanılıb. Üzərinə baxış zamanı 49 qram çəkidə narkotik vasitə olan tiryək aşkar edilərək götürülüb.

Hər iki faktla bağlı cinayət işi başlanıb.