Sumqayıtda 6 evdən oğurluq edildi

Sumqayıt şəhərində oğurluq hadisəsi baş verib.

Teleqraf.com xəbər verir ki, şəhər ərazisində 1 avtomobildən videoqeydiyyat qurğusu və yaddaş kartı, habelə 6 evdən 490 metr elektrik kabeli və məişət əşyaları oğurlanması barədə 1-ci polis bölməsinə məlumat daxil olub.

Polis əməkdaşlarının keçirdikləri əməliyyat-axtarış tədbirləri nəticəsində oğurluq hadisələrini törətməkdə şübhəli bilinən Sumqayıt şəhər sakini, əvvəllər məhkum olunmuş Rövşən Əhmədov saxlanılıb.

Faktla bağlı cinayət işi başlanıb.