Bakıda “zek” cinayət başında yaxalandı – Təfərrüat

Bakının Yasamal rayonunda mağaza qarət edilib.

Teleqraf.com xəbər verir ki, gecə saatlarında Yasamal rayon Mühafizə İdarəsinə ərazidəki qorunan marketlərin birindən həyəcan siqnalı daxil olub.

Dərhal 2-ci Alatava yaşayış sahəsindəki həmin ünvana gələn idarənin əməkdaşları orada oğurluğa cəhd edən şəxsi cinayət başında yaxalayıblar.

Həmin şəxs barəsində müvafiq tədbir görülməsi üçün 29-cu polis şöbəsinə təhvil verilib.

Şöbədə aparılan araşdırmalarla onun Bakı şəhər sakini, əvvəllər məhkum olunmuş Sənan Zeynalov olduğu müəyyən edilib.

Faktla bağlı cinayət işi başlanıb.