Sumqayıtda 9 bağ evi qarət edildi

Sumqayıt şəhərində bağ evlərindən oğurluq edən şəxsin tutulması üçün əməliyyat keçirilib.

Teleqraf.com xəbər verir ki, Sumqayıt şəhər Polis İdarəsi əməkdaşları tərəfindən şəhər ərazisindəki bağ evlərinin birinin zirzəmisindən 5 ədəd spirtli içki oğurlamaqda şübhəli bilinən şəhər sakini, əvvəllər məhkum olunmuş Ümidvar Rzayev saxlanılıb.

Onun cari il fevral-mart ayları ərzində daha 8 bağ evindən məişət əşyaları, inşaat materialları və təmir-tikinti alətləri, bir avtomobil təmiri sexindən akkumulyator, habelə şəhər ərazisindəki orta məktəblərin birindən işıq generatoru oğurladığı müəyyən edilib.

Faktla bağlı cinayət işi başlanıb.