Sumqayıtlı “zek” Masallıda tutuldu – Qəbristanlıqda dəhşət

Masallı rayonunda törədilmiş qətlin üstü açılıb.

Teleqraf.com xəbər verir ki, rayonun Mollaoba kənd qəbristanlığında kənd sakini Urfan Həsənovun üzərində zorakılıq əlamətləri olan meyiti tapılıb.

Meyitin tapılması barədə Masallı rayon polis şöbəsinə məlumat verilib.

Polis və prokurorluq əməkdaşlarından ibarət əməliyyat qrupu hadisə yerinə gəlib.

Məlum olub ki, Urfan Həsənov həmin ərazidə qətlə yetirilib.

Əməliyyat-axtarış tədbirləri nəticəsində hadisəni münaqişə zəminində törətməkdə şübhəli bilinən Sumqayıt şəhər sakini İlqar Camalov tutulub.

İstintaq araşdırması zamanı İlqar Camalovun əvvəllər məhkum olunduğu üzə çıxıb.

Faktla bağlı Masallı rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.