Gəncədə oğurluq edən keçmiş məhkum tutuldu

Gəncə şəhərində bir sıra oğurluq hadisələrinin üstünün açılması istiqamətində əməliyyat tədbirləri keçirilib.

Teleqraf.com xəbər verir ki, Gəncənin Nizami rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində oğurluq törətməkdə şübhəli bilinən Gəncə şəhər sakini Eşqin Eyvazov saxlanılıb.

O, cari il fevralın 7-dən sentyabrın 28-dək olan müddətdə rayon ərazisindəki 6 həyətyanı sahədən pul, 1 baş qoyun və ev quşları oğurlamaqda şübhəli bilinib.

Müəyyən edilib ki, Eşqin Eyvazov əvvəllər məhkum olunub.

Faktla bağlı cinayət işi başlanıb.