Manat, dollar, qızıl, mobil telefon, sənədlər... – Zaur Rzayev saxlanıldı

Sumqayıt şəhərində oğurluq hadisəsi baş verib.

Teleqraf.com xəbər verir ki, şəhər ərazisində N.Nəsibovanın içərisində 700 manat, 500 ABŞ dolları və sənədlər olan çantası oğurlanıb.

Sumqayıt şəhər Polis İdarəsi əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən şəhər sakini Zaur Rzayev saxlanılıb.

Onun daha bir qadının içərisində 285 manat, 1 ədəd qızıl üzük, mobil telefon və sənəd olan çantasını və digər şəxsin mobil telefonunu oğurlaması müəyyən edilib.