Qaradağda biabırçılıq: Kişi azyaşlı qıza təcavüz etdi – Ailənin şikayəti

Bakının Qaradağ rayonunda azyaşlıya təcavüz edilib.

Teleqraf.com xəbər verir ki, rayon ərazisində yaşayan Eldar Mürsəlov azyaşlı Nigar Məmmədovaya (ad və soyad şərti verilib – red.) təcavüz edib.

Eldar Mürsəlov azyaşlı qızla bir neçə dəfə seksual xarakterli hərəkətlər edib.

Azyaşlının ailə üzvlərinin hüquq-mühafizə orqanlarına şikayətindən sonra Eldar Mürsəlov həbs edilib.

İstintaq orqanı tərəfindən Eldar Mürsəlova qarşı Cinayət Məcəlləsinin 150.3.3-cü (yetkinlik yaşına çatmayan şəxsə qarşı seksual xarakterli zorakılıq hərəkətləri törətmək) maddəsi ilə ittiham elan edilib.

Eldar Mürsəlovun barəsində həbs qətimkan tədbirinin seçilməsi üçün istintaq orqanı tərəfindən Qaradağ rayon Məhkəməsinə təqdimat göndərilib.

Hakim Teymur Qurbanovun sədrliyi ilə baş tutan qapalı iclasda istintaq orqanını təqdimatı təmin olunub.

Eldar Mürsəlovun barəsində 3 ay müddətinə həbs qətimkan tədbiri seçilib.

Hazırda iş üzrə istintaq hərəkətləri davam edir.