Bakıda içərisində pul və qızıl olan seyf oğurlandı

Bakının Sabunçu rayonunda oğurluq hadisəsi baş verib.

Teleqraf.com xəbər verir ki, rayon ərazisindəki evlərin birindən içərisində 3000 manat pul və 1000 manat dəyərində qızıl-zinət əşyaları olan seyfi oğurlanıb.

Sabunçu rayon Polis İdarəsinin 13-cü polis bölməsi əməkdaşlarının keçirdikləri əməliyyat tədbirləri nəticəsində oğurluğu törətməkdə şübhəli bilinən Bakı şəhər sakini, əvvəllər məhkum olunmuş E.Əliyev saxlanılıb.