Bakıda təcavüz olayı: 15 yaşlı qız şikayət etdi

Bakının Qaradağ rayonunda yetkinlik yaşına çatmayan qıza qarşı seksual xarakterli hərəkətlər edilib.

Teleqraf.com xəbər verir ki, rayon ərazisində Sənan Nəcəfli 15 yaşlı Samirə Məmmədova (ad və soyad şərti verilib – red.) ilə cinsi əlaqədə olub.

Samirə Məmmədovanın şikayətindən sonra Sənan Nəcəfli həbs edilib.

İstintaq orqanı tərəfindən Sənan Nəcəflinin barəsində Cinayət Məcəlləsinin 152.1-ci (on altı yaşına çatmayan şəxslə cinsi əlaqədə olma və ya seksual xarakterli digər hərəkətlər etmə) maddəsi ilə ittiham elan edilib.

Qaradağ rayon Məhkəməsinin qərarı ilə Sənan Nəcəflinin barəsində 3 ay müddətinə həbs qətimkan tədbiri seçilib.

Hazırda bu cinayət işi üzrə istintaq davam edir.