Bakıda əməliyyat: Polis narkotik alverçisini pusquya saldı

Bakının Binəqədi rayonunda narkotik alverçisinin tutulması üçün əməliyyat keçirilib.

Teleqraf.com xəbər verir ki, Baş Narkotiklərlə Mübarizə İdarəsi əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində Binəqədi rayonu ərazisində yerləşən körpüdəki quyudan 1 kiloqramdan artıq heroin aşkar edilərək götürülüb.

Polis ora narkotik vasitəni qoyan şəxsin müəyyən edilməsi üçün ərazidə pusqu qurub.

Davam etdirilən tədbirlərlə narkotik vasitəni oradan götürməyə gəlmiş Bakı şəhər sakini, əvvəllər məhkum olunmuş A.Vəliyev polis əməkdaşları tərəfindən saxlanılıb.

Şəxsi axtarış zamanı ondan 8800 ABŞ dolları götürülüb.

Faktla bağlı cinayət işi başlanıb.