19 ruhi xəstəni öldürən şəxs edama məhkum edildi

Yaponiyada ruhi xəstələr üçün müəssisədə 19 nəfəri qətlə yetirmiş şəxs ölüm cəzasına məhkum edilib.

Teleqraf.com xəbər verir ki, 30 yaşlı Satosi Uematsu asılmaqla edam ediləcək.

Məhkəmə prosesi zamanı, S.Uematsu həmin şəxsləri əziyyətdən xilas etmək üçün qətlə yetirdiyini deyib.

Qeyd edək ki, 2016-cı ilin iyulunda S.Uematsu Tokioda özünün işlədiyi müəssisədə xəstələrə bıçaqla hücum edərək 19 nəfəri qətlə yetirib.