Abşeronda əməliyyat: İki qardaş həbs edildi

Abşeron rayonunda oğurluq edən şəxslərin tutulması üçün əməliyyat keçirilib.

Teleqraf.com xəbər verir ki, Abşeron rayon Polis İdarəsi əməkdaşlarının keçirdikləri əməliyyat tədbirləri nəticəsində cari il mart ayının 10-dan aprel ayının 14-dək olan müddətdə Xırdalan şəhərindəki evlərin birindən 2630 manat dəyərində məişət əşyaları oğurlamaqda şübhəli bilinən Bakı şəhər sakinləri S.Rəhimov onun qardaşı T.Nəsrullayev saxlanılıblar.

Onların daha 3 evdən pul, məişət əşyaları və təmir alətləri oğurlamaları da müəyyən edilib.

İstintaq araşdırması zamanı hər iki qardaşın əvvəllər məhkum olunduğu üzə çıxıb.