Kürdəmirdə cinayət törədən dəstə üzvləri tutuldu

Kürdəmir rayonunda oğurluq edən dəstə üzvləri tutulub.

Teleqraf.com xəbər verir ki, oğurluq etdiyinə görə tutulmuş E.Hacıyevin ətrafında polis əməkdaşları tərəfindən araşdırma aparılıb.

Əməliyyat tədbirləri ilə onun Atakişili kənd sakinləri, əvvəllər məhkum olunmuş U.Əliyev və A.Soltanovla birgə daha 3 evdən pul, 500 manat dəyərində qızıl-zinət əşyaları, məişət əşyaları, bir mağazadan avtomobil üçün ehtiyat hissələri, Kürdəmir şəhəri ərazisindəki istirahət parkının anbarından isə su mühərriki oğurlaması müəyyən edilib.

Əməliyyat-axtarış tədbirləri ilə U.Əliyev və A.Soltanov da polis əməkdaşları tərəfindən saxlanılıblar.