Bakının üç rayonunda əməliyyat: Həbs olunanlar var

Bakıda polis əməliyyat keçirib.

Teleqraf.com xəbər verir ki, Nərimanov rayon Polis İdarəsinin əməkdaşların keçirdiyi əməliyyat zamanı şəhər sakini 1996-cı il təvəllüdlü X.Hüseynov saxlanılıb.

Ondan 0,296 qram heroin, 1,551 qram metamfetamin aşkar edilib.

Bundan başqa, Nəsimi rayon Polis İdarəsinin keçirdiyi əməliyyat-axtarış tədbirləri nəticəsində isə Gəncə şəhər sakini, 1993-cü il təvəllüdlü R.Səfərov tutulub.

Üzərinə baxış keçirilərkən ondan 4,707 qram heroin aşkar edilirək götürülüb.

Daha bir əməliyyat Xətai rayonunda keçirilib.

Xətai rayon Polis İdarəsinin əməkdaşlarının şübhəli şəxs qismində saxladığı 1984-cü il təvəllüdlü R.Həşimovdan 3,171 qram metamfetamin, 1987-ci il təvəllüdlü R.Əhmədovdan isə 1,408 qram heroin və 0,287 qram metamfetamin aşkar edilib.

Hər üç faktla bağlı cinayət işi başlanıb.