Maştağada əməliyyat: Həbs olunan var

Bakının Sabunçu rayonunda əməliyyat keçirilib.

Teleqraf.com xəbər verir ki, Sabunçu rayon Polis İdarəsinin Cinayət-axtarış şöbəsi və narkotiklə mübarizə bölməsi əməkdaşları daxil olan məlumat əsasında Maştağa qəsəbə sakini Rəfael Cabbarovun həyətyanı sahəsinə baxış keçiriblər.

Baxış zamanı həyətyanı sahədən kultivasiya yolu ilə becərdilən, ümumi çəkisi 12 kiloqram 785 qram olan 172 ədəd çətənə kolu aşkar edilib. Rəfael Cabbarovun evindən isə 5 kiloqram 15 qram qurudulmuş marixuana çıxıb.

Faktla bağlı cinayət işi başlanıb.