Bakıda əməliyyat: Həbs olunanlar var

Bakıda narkotiklərlə bağlı əməliyyat keçirilib.

Teleqraf.com xəbər verir ki, Baş Narkotiklərlə Mübarizə İdarəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən Bakı şəhər sakini A.Əliyev saxlanılıb.

Şəxsi axtarış zamanı ondan 10 qram, idarə etdiyi “Renault” markalı avtomobilinə baxış zamanı isə 1 kiloqram heroin və 1 ədəd elektron tərəzi aşkar edilib.

Bundan başqa, Nərimanov rayon Polis İdarəsi əməkdaşlarının daxil olmuş məlumatlar əsasında keçirdikləri əməliyyat tədbirləri nəticəsində narkotiklərin qanunsuz dövriyyəsində şübhəli bilinən Bakı şəhər sakinləri F.Nəcəfov və əvvəllər məhkum olunmuş A.Baranov saxlanılıblar.

Şəxsi axtarış zamanı F.Nəcəfovdan 440 qram, A.Baranovdan isə 480 qram marixuana aşkar edilib.