Bakıda qardaşlar həbs edildi

Bakının Sabunçu rayon ərazisində polis əməliyyat keçirib.

Teleqraf.com xəbər verir ki, Sabunçu rayon Polis İdarəsinin 13-cü polis bölməsi əməkdaşları tərəfindən keçirilən əməliyyat-axtarış tədbirləri nəticəsində 1983-cü il təvvəllüdlü Murad Quliyev və onun qardaşı, Tərlan Quliyev həbs olunub.

Murad Quliyevdən 0,565 qram heroin, Tərlan Quliyevdən isə 0,710 qram heroin aşkar edilib.

Məlum olub ki, Murad Quliyev əvvəllər Cinayət Məcəlləsinin 177-ci (oğurluq), 180-ci (soyğunçuluq) və 234-cü (qanunsuz narkotik) maddələri ilə məhkum olunub.

Bundan əlavə Tərlan Quliyevin də oğurluq etdiyi üçün əvvəllər məhkumluq həyatı yaşadığı üzə çıxıb.

Faktla bağlı araşdırma aparılır.