Avtomobil oğurluğu edən dostlar tutuldu

Bakının Qaradağ rayonunda avtomobil oğurluğu edən üç dost həbs edilib.

Bu barədə Teleqraf.com-a Qaradağ rayon Polis İdarəsindən məlumat verilib.

Məlumata görə, oğurluq hadisəsi oktyabrın 23-də saat 08 radələrində Qaradağ rayonunun Lökbatan qəsəbəsində baş verib. Qəsəbə sakini Azər Səfərova məxsus “VAZ-2106” markalı avtomobil qaçırılıb.

10-cu polis bölməsi əməkdaşlarının həyata keçirdikləri əməliyyat-axtarış tədbirləri nəticəsində avtomobili qaçırmış Bakı şəhər sakinləri Elvin İdrisov, Orxan Müzəffərli və Zamiq Sadıqov saxlanılıblar.

Faktla bağlı cinayət işi başlanıb.

Hacı Zeynalov