Bakıda qanunsuz dərman satan şəxslərə cinayət işi açıldı

Bakının Binəqədi rayonunda dərman vasitələrinin qanunsuz dövriyyəsində təqsirli bilinən Raqil Həsənov və Mahir Nəbiyevin cinayət işi üzrə ibtidai istintaq başa çatıb.

Teleqraf.com-un xəbərinə görə, cinayət işi baxılması üçün Binəqədi rayon Məhkəməsinə göndərilib.

İş araşdırılması üçün hakim Aygün Qurbanovanın icraatına verilib.

Yaxın günlərdə məhkəmə başlanacaq.

İstintaq orqanı tərəfindən Raqil Həsənov və Mahir Nəbiyevin barəsində Cinayət Məcəlləsinin 200-1.2.2-ci (qabaqcadan əlbir olan bir qrup şəxs və ya mütəşəkkil dəstə tərəfindən dərman vasitələrinin qanunsuz dövriyyəsi) maddəsi ilə ittiham elan edilib.

Cinayət işi üzrə zərərçəkmiş qismində Səhiyyə Nazirliyi tanınıb.