Kürdəmirdə kütləvi dava - xəsarət alan var

Kürdəmir rayonunda kütləvi dava olub.

Teleqraf.com xəbər verir ki, hadisə rayonun Xəlsə kəndi ərazisində qeydə alınıb.

Bir neçə rayon sakini aralarında mübahisə edib. Bu zaman Beyi kənd sakini, 1989-cu il təvəllüdlü Alcanov Nəzər Yavər oğlu qonşu kənd sakinləri ilə dava edib. Nəticədə N.Alcanov müxtəlif növ bədən xəsarəti alıb. Daha sonra o, Kürdəmir Rayon Mərkəzi Xəstəxanasına aparılıb.

Faktla bağlı araşdırma aparılır.