Xəstəxanada oğurluq edən tutuldu

Bakının Yasamal rayonunda xəstəxanada oğurluq hadisəsi baş verib.

Bu barədə Teleqraf.com-a Bakı şəhər Baş Polis İdarəsindən məlumat verilib.

Məlumata görə, Yasamal rayon Polis İdarəsinin 29-cu polis bölməsi əməkdaşlarının keçirdiyi əməliyyat-axtarış tədbirləri nəticəsində Bakı şəhər sakini 1974-cü il təvəllüdlü İmran Kərimov tutulub.

İmran Kərimov noyabrın 11-də Tbilisi prospektində yerləşən dioqnostika mərkəzinin iş otağından, içərisində 65 manat və bank kartı olan pul kisəsini oğurlamaqda şübhəli bilinib. Şübhəli şəxsdən 1,456 qram heroin aşkar olunaraq götürülüb.

Hacı Zeynalov