Bərdədə sürücü polis əməkdaşını yandırdı - YENİLƏNDİ

15:35

Bərdə rayonunda yol polisi əməkdaşı yandırılıb.

Teleqraf.com yol polisinin yandırılması ilə bağlı bəzi məlumatları öyrənə bilib. Məlumata görə, hadisə Aqil Quliyev xidmətdə olarkən baş verib. Məlumata görə, Elçin adlı şəxs yol hərəkəti qaydasını pozub. Aqil Quliyev onun maşınını saxladıb. Avtomobilindən düşən Elçin adlı şəxs yol polisinə sənəd vermək əvəzinə üzərinə benzin tökərək özünü yandırmaq istəyib. Bu zaman yol polisinin əməkdaşı hadisəyə müdaxilə edib. Həmin vaxt Aqil Quliyev də xəsarət alıb.

15.32

Bərdə rayonunda yol polisi əməkdaşı yandırılıb.

Teleqraf.com-un Qarabağ bölgəsi üzrə müxbiri xəbər verir ki, Bərdə rayon yol polisi idarəsinin əməkdaşı Aqil Quliyevin üzərinə benzin tökərək yandıran şəxs müəyyən edilib. Elçin adlı şəxs Aqil Quliyevlə şəxsi münasibətlər zəminində mübahisə edib. Mübahisə zamanı Elçin Aqil Quliyevin üstünə benzin tökərək onu yandırıb.

Aqil Quliyevin bir qolu yanıb. Hazırda o, Bərdə rayon Mərkəzi Xəstəxanasına çatdırılıb. Hadisəni törədən Elçin adlı şəxs həbs edilib.

15:15

Bərdə rayonunda yol polisi əməkdaşı yandırılıb.

Bu barədə Aktual.az-a Bərdədən məlumat verilib.

Rayondakı mənbənin bildirdiyinə görə, adı məlum olmayan rayon sakini Bərdə rayon yol polisi idarəsinin əməkdaşı Aqil Quliyevin üzərinə benzin tökərək od vurub.

Məsələ ilə bağlı Bərdə Rayon Polis Şöbəsindən faktı Aktual.az-a təsdiqləyərək bildiriblər ki, iş Bərdə Rayon Prokurorluğundadır, araşdırılır.

Daşqın Abdullayev