Bakıda itkin düşən gəncin meyiti tapıldı

Bakının Sabunçu rayonunda qətl hadisəsi baş verib.

Bu barədə Teleqraf.com-a Sabunçu rayon Prokurorluğundan məlumat verilib.

Məlumata görə, Ramana qəsəbəsinin sakini Arif Məmmədovun həyətində itkin düşən kimi axtarışda olan 1988-ci il təvəllüdlü Əli Seyidovun meyiti tapılıb. Onun meyiti basdırıldığı yerdən çıxarılıb.

Sabunçu rayon Polis İdarəsi və prokurorluq əməkdaşlarının birgə keçirdikləri əməliyyat-axtarış tədbirləri nəticəsində qətl hadisəsini törətməkdə şübhəli bilinən Masallı rayon sakini, 1981-ci il təvəllüdlü Hafiz Səmədov müəyyən edilərək həbs edilib.

Əli Seyidov Xətai rayon Polis İdarəsinin 37-ci polis bölməsində axtarışda olan kimi qeydiyyatda olub.

Faktla bağlı cinayət işi başlanıb.

Hacı Zeynalov