Hiylə ilə külli miqdarda pula sahib çıxan qadın məhkəmə qarşısında

Bu gün Bakı Ağır Cinayətlər Məhkəməsində dələduzluqda təqsirli bilinən Yeganə Mehdiyevanın cinayət işi üzrə məhkəmə prosesi başlayıb.

Teleqraf.com xəbər verir ki, Yeganə Mehdiyeva bir nəfəri aldadaraq onun 130 min manatını alıb. Sonra isə verdiyi vədə əməl etməyərək pulu mənimsəyib. Zərərçəkmiş şəxs məsələ ilə bağlı Xətai rayon Polis İdarəsinə müraciət edib və Yeganə Mehdiyevanın barəsində Cinayət Məcəlləsinin dələduzluq maddəsi ilə cinayət işi başlanıb, axtarışa verilib.

Xətai rayon Polis İdarəsi və 34-cü polis bölməsi əməkdaşlarının keçirdikləri əməliyyat-axtarış təbirləri nəticəsində Yeganə Mehdiyeva tutulub.

Hakim İradə Həsənzadənin sədrliyi ilə keçirilən prosesdə təqsirləndirilən şəxsin cinayət işi üzrə məhkəmənin hazırlıq iclası olub. Prosesdə Yeganə Mehdiyevanın anket məlumatları dəqiqləşdirilib və məhkəmə baxışı yanvarın 5-nə təyin edilib.

Hacı Zeynalov