Bayram günü qəzaya düşən qadın xəstəxanada öldü

Sumqayıt şəhərində yeni ilin ilk günüdə yol qəzasında xəsarət alan qadın 5 gün yaşaya bilib.

Sumqayıt şəhər Polis İdarəsindən Teleqraf.com-a verilən məlumata görə, hadisə yanvarın 1-də, saat 19 radələrində Sumqayıt şəhərində qeydə alınıb.

Məlumata görə, Sumqayıt şəhər sakini Fəyaz Rəhmanov idarə etdiyi “Mitsubishi” markalı avtomobillə yolu keçən həmyerlisi Jalə Ələsgərovanı vurub. Xəstəxanaya yerləşdirilmiş, Jalə Ələsgərova yanvarın 5-də ölüb.

Faktla bağlı araşdırma aparılır.

Hacı Zeynalov