7 Yanvar 2015 20:59
1 214
12 Punto 14 Punto 16 Punto 18 Punto

Yanvarın 6-da Bakının Səbail rayonunda yerləşən Sahil bağında Bakı şəhəri sakini Həsənov Həsən Namiq oğlunu bıçaqlayaraq qətlə yetirmiş cinayətkarın şəxsiyyəti müəyyənləşdirilib.

Daxili İşlər Nazirliyindən daxil olan məlumata görə, cinayəti Bakı şəhərində yaşayan Elçin Çobanov adlı şəxsin törədib.

Artıq Səbail rayon Polis İdarəsi 1988-ci il təvəllüdlü Elçin Elman oğlu Çobanovu həbs edib. Xatırladaq ki, yanvarın 6-da saat 18:47 radələrində 1989-cu il təvəllüdlü, Nərimanov rayon sakini Həsənov Həsən Namiq oğlu və onun dostu, 1993-cü il təvəllüdlü Məmmədzadə Orxan Təbriz oğlu “Sahil” bağında bıçaqlanıblar.

Həsən Həsənov hadisə yerindəcə keçinib, Orxan Məmmədzadə isə xəstəxanaya yerləşdirilib. Hadisənin dəqiq səbəbi məlum deyil.

Şahidlər mərhum Həsən Həsənovun gəzdirdiyi itin yoldan keçən qızlara hürdüyünü, kənarda dayanmış 26-27 yaşlı oğlanın isə söhbətə müdaxilə etdiyini bildirir.

Naməlum şəxs mübahisə zəminində bıçaq çıxararaq, Həsən Həsənova 1, Orxan Məmmədzadəyə isə 2 zərbə endirib. Həsən Həsənov ürəyindən xəsarət aldığından hadisə yerində ölüb. Qətli törədən şəxs hadisə yerindən qaçıb. (APA)


Müəllif: