Lənkəran sakini qardaşını bıçaqladı

Lənkəran rayonunda qardaş-qardaşı bıçaqlayıb.

Teleqraf.com xəbər verir ki, hadisə şəhər ərazisində baş verib.

Qardaşı tərəfindən bıçaqlanan Lənkəran rayonu Şilavar kənd sakini, 1993-cü il təvəllüdlü Aqil Əlihəsən oğlu Əlizadə ətrafdakıların köməyi ilə Lənkəran Rayon Mərkəzi Xəstəxanasına çatdırılıb. Yaralıya döş qəfəsinin kəsilmiş-deşilmiş yaraları diaqnozu qoyulub. Dərhal əməliyyat olunub. Aparılan araşdırmalar nəticəsində hadisənin ailə münaqişəsi zəminində Lənkəran rayon Şilavar kənd sakini, zərərçəkənin qardaşı Amil Əliyev tərəfindən törədildiyi müəyyən edilib.

Faktla bağlı araşdırma aparılır.