Bakıda 34 yaşlı kişi evinin qarşında bıçaqlandı

Bakının Yasamal rayonunda bıçaqlanma hadisəsi baş verib.

Bu barədə Teleqraf.com-a Yasamal rayon Polis İdarəsindən məlumat verilib.

Məlumata görə, hadisə rayonu Tolstoy küçəsi ev 53 ünvanının qarşısında qeydə alınıb. Bakı şəhər sakini, 1981-ci il təvəllüdlü Anar Quliyev yaşadığı evin qarşısında naməlum şəxslər tərəfindən bıçaqlanıb.

Anar Quliyev xəstəxanaya yerləşdirilib. Vaxtında tibbi yardım göstərildiyi üçün onun həyatını xilas etmək mümkün olub.

Faktla bağlı cinayət işi başlanıb.

Hacı Zeynalov