Bakıda zəncirvari qəza

Gecə saatlarında paytaxtın Nərimanov rayonu, Ziya Bünyadov prospektində xəsarətlə nəticələnən zəncirvari yol qəzası baş verib.

APA-nın məlumatna görə, kimliyi məlum olmayan "Toyota" markalı minik avtomobilinin sürücüsü prospektlə hərəkətdə olarkən qəfil idarəetməni itirib. Nəticədə nəqliyyat vasitəsi yolun kənarında dayanan Seyidağa İsgəndərova məxsus eyni markalı maşına, o da öz növbəsində Asim Qabulovun idarə etdiyi “Nissan” markalı avtomobilə çırpılıb.

Baş verən qəzada hər üç avtomobilə ciddi ziyan dəyib, qəzaya səbəb olan kimliyi məlum olmayan "Toyota"nın sürücüsü isə müxtəlif dərəcəli bədən xəsarətləri alaraq hadisə yerini tərk edib. Qəzadan sonra adı çəkilən prospektdə avtomobillərin hərəkətində müvəqqəti olaraq məhdudiyyət yaranıb. Faktla bağlı araşdırma aparılır.