Qaçaqmalçılıq hallarının qarşısı alınıb

Gömrükçülərin qaçmalçılıqla mübarizə tədbirləri davam edir. Teleqraf.com-un məlumatına görə, Astara Gömrük İdarəsinin sərnişin şöbəsində İran İslam Respublikasından Azərbaycana piyada yolla gələn Azərbaycan vətəndaşı Aqşin Ağayevin üzərində şəxsi yoxlama aparılıb. Yoxlama zamanı onun daxili orqanından (düz bağırsağından) 2 ədəd bükümdə, ümumi xalis çəkisi 49,996 qram olan narkotik vasitə - heroin aşkar olunub.

Biləsuvar Gömrükİdarəsinin “Qoşa Təpə” gömrük postunda isə İran İslam Respublikasından Azərbaycana piyada yolla gələn Azərbaycan vətəndaşı İlkin Mahmudovun üzərində şəxsi yoxlama zamanı onun ayağındakı corabların hər birinin içərisində cəmi 4 ədəd büküm olmaqla, ümumi xalis çəkisi 7,79 qram olan narkotik vasitə - həşiş qətranı aşkar edilib.

Hər iki faktla bağlı təhqiqat aparılır.

Naibə QURBANOVA