Suraxanıda mərasim evi yandı, avtomobillər deformasiyaya uğradı

Bakı şəhəri, Suraxanı rayonunda vətəndaşa məxsus ümumi sahəsi 350 kv.m olan mərasim evinin yanar konstruksiyaları yanıb.

Teleqraf.com Fövqəladə Hallar Nazirliyinin mətbuat xidmətinə istinadən xəbər verir ki, yanğın zamanı mərasim evinin yaxınlığında dayanmış vətəndaşlara məxsus 2 ədəd “KİA” və 1 ədəd “NİSSAN” markalı minik avtomobilləri yüksək temperaturdan deformasiyaya uğrayıb.

Yaxınlıqdakı tikililər yanğından mühafizə olunub. Yanğın yanğınsöndürənlər tərəfindən söndürülüb.