Bakı avtovağzalında əcnəbiyə qarşı cinayət

Bakının Binəqədi rayonunda Özbəkistan vətəndaşına qarşı soyğunçuluq hadisəsi törədilib.

Teleqraf.com xəbər verir ki, hadisə Bakı Beynəlxalq Avtovağzalında baş verib.

Avtovağzalın ərazisində olan mağazada Özbəkistan vətəndaşı, 1991-ci il təvəllüdlü Muxanmedjan Maxmudyeviç Tukliyevin içərisində mobil telefonu və 450 ABŞ dolları olan çantası oğurlanıb.

Hazırda Binəqədi Rayon Polis İdarəsinin 40-cı polis bölməsi əməkdaşları oğurluq hadisəsini törədən şəxsin müəyyən edilərək məsuliyyətə cəlb edilməsi istiqamətində əməliyyat tədbirləri keçirilər.

Hacı Zeynalov