Biləsuvarda mağazaları qarət edən tutuldu

Biləsuvar şəhərində mağazalardan oğurluq edən həbs edilib.

Teleqraf.com xəbər verir ki, şəhər sakinləri Əli Əliyevə və qardaşı Asifə məxsus mağazalardan 79 manat, tütün məmulatı, danışıq kartları, ərzaq məhsulları və sərinləşdirici içki oğurlanıb.

Biləsuvar Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş şəhər sakini Ağadadaş Kərimzadə tutulub.

Ətrafında aparılmış əməliyyat tədbirləri ilə onun iyulun 15-də Maşallah Heydərova məxsus mağazadan 70 manat, danışıq kartları və tütün məmulatı oğurlaması da müəyyən edilib.

Hacı Zeynalov