Bacısı qızını öldürən kişi məhkəmə qarşısında

Bu gün Bakı Ağır Cinayətlər Məhkəməsində bacısı qızını öldürən Vamiq Aslanovun cinayət işi üzrə məhkəmə prosesi başlayıb.

Teleqraf.com xəbər verir ki, bu ilin aprelin 17-də Buzovna qəsəbəsində, Naxçıvan küçəsində Nigar Məlikli qətlə yetirilib. Onun dayısı - 1973-cü il təvəllüdlü Vamiq Aslanov tərəfindən 30 bıçaq zərbəsi vurularaq öldürlməsi müəyyən edilib. Vamiq Aslanov polis tərəfindən saxlanılıb.

Təqsirləndirilən şəxs Cinayət Məcəlləsinin 120.2.4-cü (xüsusi amansızlıqla və ya ümümi təhlükəli üsulla adam öldürmə) maddəsi ilə ittiham edilir. Hakim Rahib Salmanovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib. Məhkəmə baxışı sentyabrın 4-nə təyin edilib.

Hacı Zeynalov