Bakıda soyğunçuluq edən şəxslər yaxalandı

Bakının Nərimanov rayonunda soyğunçuluq hadisəsi baş verib.

Bakı şəhər Baş Polis İdarəsindən Teleqraf.com-a verilən məlumata görə, Nərimanov Rayon Polis İdarəsi və 18-ci polis bölməsi əməkdaşlarının keçirdikləri əməliyyat tədbirləri nəticəsində Ağstafa rayon sakini, 1995-ci il təvəllüdlü Elşad Yaqubov tutulub.

O, sentyabrın 10-da Həsənoğlu küçəsində Nəhayət Allahverdiyevanın boynundakı qızıl boyunbağını qoparıb qaçaraq soyğunçuluqda şübhəli bilinib.

Bundan başqa, Xətai Rayon Polis İdarəsi və 35-ci polis bölməsi əməkdaşlarının keçirdikləri əməliyyat tədbirləri nəticəsində soyğunçuluqda təqsirli bilinən şəxsi həbs edib. Sentyabrın 26-da N.Tusi küçəsində Ağdaş rayon sakini, 1994-cü il təvəllüdlü Rəvan Babayev Bakı şəhər sakini Yaqub Mustafayevin mobil telefonuna baxmaq adı ilə alıb qaçarkən tutulub.

Hacı Zeynalov