Oğurluq edən şəxslər həbs edildi

Sumqayıt şəhərində oğurluq edən şəxslər həbs edilib.

Teleqraf.com xəbər verir ki, Sumqayıt Şəhər Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində Masallı rayon sakini Rais Abbasov tutulub. O, mayın 12-də “Metalqab” ASC-nin həyətindən 6 ədəd dəzgah, mühərrik və metal qurğular oğurlamyıb.

Bundan başqa, sentyabrın 23-də Goranboy rayonu ərazisində Veyisli kənd sakini İlqar Qədirova məxsus fermadan 100 metr boru və 1 ədəd su çəni oğurlanıb.

Goranboy Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş rayon sakini Teymur İbrahimov tutulub.

Oğurluq hadisəsi törədən şəxslərin müəyyən edilərək tutulması istiqamətində daha bir əməliyyatı İsmayıllı Rayon Polis Şöbəsinin əməkdaşları keçirib. Cari il avqust ayında İsmayıllı rayonunun Balik kənd sakini Natiq Əkbərova məxsus 2 baş qoyun kəndin otlaq sahəsindən oğurlanıb. Polis oğurluq hadisəsini törədən rayon sakini Samir Məmişovu həbs edib.

Oxşar əməliyyatı Şəmkir Rayon Polis Şöbəsinin əməkdaşları da keçirib. Sentyabrın 28-də Elçin Tanrıquliyevə məxsus mağazadan 20 manat və tütün məmulatı oğurlamış Kür qəsəbə sakini Amin Əliyev tutulub.

Hacı Zeynalov