Bərdədə "Niva" kanala düşdü: yaralılar var - FOTO

Bərdə-Yevlax avtomobil yolunda ağır qəza baş verib.

Teleqraf.com-un əməkdaşının verdiyi xəbərə görə, yolun Bərdənin Həsənqaya kəndi ərazisindən keçən hissəsində "Niva" markalı avtomobil dəmir yol keçdinin yaxınlığındakı şor su kanalına düşüb.
Hadisə nəticəsində Bərdə rayonu, Qaragüci kənd sakini, 1974-cü il təvəllüdlü Abdullayev Hafiz Fəzail oğli və Yevlax sakini, 1993-cü il təvəllüdlü İsmayılov Emil Məhərrəm oğlu ağır bədən xəsarəti alıblar.
Onların hər ikisinin vəziyyətinin orta ağır olduğu bildirilir. Yaralılardan birinin ayağının sındığı da deyilir. Şahidlər qəzaya yüksək sürətin səbəb olduğunu bildiriblər. Maşında olanların yaxınlıqdakı kafedən çıxdıqları və hamısınln içkili olduğu da deyilir.

Xalid Salmanbəyli