Sabunçuda evdən 5 min manatlıq qızıl oğurlandı

Bakının Sabunçu rayonunda oğurluq hadisəsi baş verib.

Teleqraf.com xəbər verir ki, hadisə rayonun Bakıxanov qəsəbəsi, Axundov küçəsi, ev 13, mənzil 38-də qeydə alınıb.

Bakı şəhər sakini, 1962-ci il təvəllüdlü Ədalət Əfnədiyevin evindən 5 min manat dəyərində qızıl əşyaları oğurlanıb. Oğrular mənzilə pəncərəni sındıraraq giriblər.

Hadisə ilə bağlı Sabunçu Rayon Polis İdarəsinin 13-cü polis bölməsinin əməkdaşlarından ibarət əməliyyat qrupu yaradılıb. Hadisəni törədən şəxslərin müəyyən edilərək həbs edilməsi istiqamətində əməliyyat tədbirləri görülür.

Faktla bağlı cinayət işi başlanıb.

Hacı Zeynalov