Bakıda kafedə kütləvi dava

Bakının Səbail rayonunda kafedə kütləvi dava olub.

Teleqraf.com xəbər verir ki, hadisə Salyan şosesi, 42 ünvanında yerləşən kafedə baş verib.

Bakı şəhər sakini, 1963-cü il təvəllüdlü Nizaməddin Nəsir oğlu Əsədova məxsus kafedə 3 nəfər naməlum şəxs spirtli içki içəndən sonra mübahisə ediblər. Daha sonra onların mübahisəsi münaqişəyə çevrilib. Dava zamanı həmin şəxslər kafenin stol-stullarını, həmçinin sintezatoru sındırıblar.

Kafe sahibi baş vermiş hadisə ilə bağlıç Səbail Rayon Polis İdarəsinin 8-ci polis bölməsinə müraciət edib. Hazırda polis kafedə dava salanların kimliyini müəyyən etməsi üçün tədbirlər görürlər.

Hacı Zeynalov