Bakıda "Qazel" aşdı: 1 yaralı

Bakının Səbail rayonunda vətəndaşa məxsus "Qazel" markalı yük avtomobili idarəetməni itirərək yolun kənarına aşması nəticəsində yanğınla nəticələnən yol qəza hadisəsi baş verib.

Teleqraf.com Fövqəladə Hallar Nazirliyinə istinadən xəbər verir ki, nəticədə avtomobilin mühərrik hissəsi yanıb.

Qəza zamanı avtomobildə olan sərnişin müxtəlif bədən xəsarətləri alaraq təcili tibbi yardım xidmətinə təhvil verilib. Avtomobilin qalan hissəsi yanğından mühafizə olunub. Yanğın saat 05:59-da yanğınsöndürənlər tərəfindən söndürülüb.