Piyadanı öldürən sürücü hadisə yerindən qaçdı

Bakının Sabunçu rayonunda ölümlə nəticələnən yol-nəqliyyat hadisəsi baş verib.

Teleqraf.com xəbər verir ki, hadisə Yeni Ramana qəsəbəsi, Bünyadzadə küçəsində qeydə alınıb.

Naməlum sürücü idarə etdiyi avtomobillə yolu keçən piyada, Naxçıvan şəhər sakini, 1965-ci il təvəllüdlü Aslan Cabbarovu vurub. Piyadanı vuran sürücü hadisə yerindən qaçıb.

Aslan Cabbarov isə aldığı xəsarətdən hadisə yerində ölüb.

Faktla bağlı cinayət işi başlanıb.

Hacı Zeynalov