Şirvanda oğurluq edən iki xalaoğlu tutuldu

Şirvan şəhərində oğurluq edən iki xalaoğlu həbs edilib.

Teleqraf.com xəbər verir ki, Şirvan Şəhər Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində cinayət törədən Elçin Əliyev və Zahid Abbasov tutulublar.

Qeyd edək ki, Şirvan sakini 19 yaşlı Zahid Abbasov xalası oğlu Elçin Əliyevlə birlikdə həmyerliləri Roman Yaqubovun evindən 5750 manat dəyərində qızıl-zinət əşyaları oğurlayıblar.

Bundan başqa, onlar Şirvan sakini mehriban Qurbanovaya məxsus gözəllik salonundan ümumi dəyəri 606 manat olan müxtəlif əşyalar oğurlayıblar. Onlar həmçinin Elşən Muradova məxsus yaşayış evindən bir ədəd DVD aparatını, 100 ədəd DVD formatlı disk və qab-qacaq dəstini talayıblar.

Hacı Zeynalov