Suraxanıda ağır qəza: 2 ölü

Bakının Suraxanı rayonunda ağır yol-nəqliyyat hadisəsi baş verib.

Teleqraf.com xəbər verir ki, hadisə Yeni Günəşli qəsəbəsində qeydə alınıb.

Qəsəbə sakini Beniamin Qurbanbəyov idarə etdiyi Niva markalı avtomobillə yolu keçən 2 piyadanı vurub. Həmin şəxslər hadisə yerində ölüb. Ölən şəxslərdən birinin 40-45, digərinin isə 5-10 yaşları olduğu bildirilir. Hadisə nəticəsində ölən şəxslərin kimliyini müəyyən etmək mümkün olmayıb.

Faktla bağlı Suraxanı Rayon Polis İdarəsi tərəfindən araşdırma aparılır.

Hacı Zeynalov